Светот во канџите на спиритизмот

Феноменот спиритизам во светот видно се проширил во текот на Втората светска војна. Од тогаш тој сè повеќе е присутен во модерните христијански цркви во кои многу нивни водачи стануваат спиритисти, отворајќи ги ширум вратите на своите цркви за оваа окултна појава во чиишто матни води пливаат и тие и нивните верници Спиритизмот со силен подем се шири и во редовите на научниците, особено кај оние кои се занимаваат со психички истражувања.

Основачот на Меѓународниот институт за психички истражувања, Шев Дезмонд, вели дека „идните”, како и некои денешни водечки „државници”, ќе се советуваат со „државниците од другите светови”. Спиритистичките феномени се одржале во текот на илјадници години на човечката историја и имале силно влијание врз општествениот, верскиот и политичкиот живот на многу народи. Денес забележуваме големо оживување на спиритизмот, и тоа е еден од знаците на нашето време.