Секој е нормален додека не го запознаеш

Служејќи се со хумор, проникливост и со својот наративен дар, Ортберг покажува колку сета заедница ги прифаќа најголемите можни откажувања за да добие малку среќа, здравје, поддршка или да оствари скромен напредок.

Една од најубавите особини што толку многу ги сакаме кај децата е нивната неумешност да владеат со своите лица. Ако наиде камион со сладолед, или кога треба да јадат спанаќ, или ако мислат дека има чудовиште под нивниот кревет – нивните лица секогаш ќе ви кажат што има во нивното срце.

Како што старееме, така сё подобро владееме со изразот на лицето. Го учиме како да се крие и да се варди. Го вежбаме изразот на лицето да покажува самодоверба кога срцето ни е исплашено, да изгледа побожно кога срцето ни е подивено од искушенија и вина. Често им се восхитуваме на луѓето кои научиле да владеат со своето лице.

Но, тие не се привлечни за нас.

Нас нè привлекуваат луѓето кои немаат маска на своето лице.